احيانا لما نفشل فى تحقيق هدف كنا مخططين له يمشى بشكل معين فى حياتنا
وبعدين نلاقى نفسينا بنتوه عن الهدف ده والحلم بيضيع شوية شوية ونبقى
مستسلمين للى بيحصلنا فى حياتنا وبيغير مجراها ومبتقاش هيا الصورة
اللى كنا بنرسمها فى خيالنا ساعتها بس بنحس بالفشل وبنلاقى فى قلوبنا
طعم الندم ، ندم على الاختيار ولا ندم على الانجراف فى التيار ولو كنا سبحنا
ضد التيار من البداية يا ترى كنا وصلنا لبر امان وحسينا بطعم مختلف عن الندم
مش عارفة يمكن لو الزمن رجع لورا كنا برضه كررنا نفس اخطاؤنا ، ليه؟
لاننا هنفضل زى ما احنا ولان ورطتنا الحقيقية اننا مش عايزين نتغير يمكن
لاننا لو اتغيرنا مش هنبقى احنا ،، هتقولوا هيا بتقول ايه دى هاقولكم انا باقول
ان كل واحد فينا ربنا خلقه بطبيعة هو بيطوعها لخدمة اغراضه ممكن الواحد يبقى
طيب بس يعرف يعيش وياخد حقه لو هو عايز لكن لو استسلم وبقى سلبى
طيبته دى هتخلى اخطاؤه هتتكرر تانى وهيفضل هو هو ، طيب لو بعد سنين
وهو قطة حب يبقى اسد هينفع؟ يمكن اه ويمكن لاء ولا اقولكم ما تاخدوش فى بالكم
اهو القطط والاسود من فصيلة واحدة لكن بقى اكل العيش يحكم
7 comments:
الارضيه الفكرية او القاعده الفكرية التى يستند عليها الانسان فى سعيه قد تجلب له احيانا السعاده فى جميع الاحوال او قد تصيبه بعدم الرضا مهما كانت الظروف
اذا سعيتى فى الدنيا بارضية فكرية انك مجرد تؤدين دورك فى الحياة فاذا اصبتى النجاح تسعدين واذا اصابك فشل فكفاكى اداء دورك ستجدين الحياة اكثر لطفا واقل صعوبه وستجدين الفشل محتمل والامل لا يموت
اسمحى لى ان اشكركى على مرورك على عالمى الصغير الصامت وان ابدى اعجابى برايك عن الصمت فحقا ان فى الصمت قوة لا يعلمها بل ويجهلها كثير من الناس والصمت اجابة بارعة لا يتقنا كثير من البشر واود ان اوضح لكى ان صمتى ليس ضعفا بل هو انتظار او اختيار الوقت المناسب وعدم التسرع واحياناُ يكون الصمت رداً على سفية او ما شابه واعلمى عزيزتى انى مع كل ذلك لا اتقن فن الصمت بل يحدث انى اثور فى كثير من المواقف ولكننى اتخد هذه المدونه لكى اخرج الثورة التى تولد بداخلى حتى لا تقضى على حياتى فثورة النفس من اخطر الاعداء على الانسان فقد تدمرة ان لم يستطيع التحكم بها وان استطاع استغلالها فقد تساعده على تخطى عقبات كثيره فى حياته واخير وليس باخيرا اشكركى مرة ثانيه على مرورك واتمنى ان اتشرف بزيارتك كثيراوابدى اعجابى لكى عن كلامك المعبر فى مدونتك
harmless
اولا احب اشكر مرورك الكريم على مدونتى المتواضعةواكيد طبعا لما نحب نوصل لهدف لازم نخطط له صح لكن احيانا كثيرة يخوننا التقدير فنصل الى الحالة التى اصفها لكن ده مش مبرر لتوقف الحياة طبعا لان الامل موجود طول ماالحياة مستمرة لكن هى لحظات يعيد فيها لملمت شتات نفسه وفكره
طبعا يا ايهاب الواحد ميقدرش ينكر قيمة الصمت لكنه احيانا كثيرة متعب ويا سيدى نفس عن غضبك او ثورة نفسك زى ما انت عايز المهم اوعى تبقى حد غيرك حتى لو حاولت تتغير وتخرج عن صمتك ابقى انت حتى فى ثورتك
أعتبر الندم من إحرى أقدم الحماقات البشريه لأنه إذا قام الإنسان بشئ فإنه يقوم به بمحض إراضه وعزيمه وذللك يرضى ويشبع حاجته فى وقت معين لذلك لايحس بإحساس النشوه والمتولد عن ذلك الخطأ
أعتبر الندم من إحرى أقدم الحماقات البشريه لأنه إذا قام الإنسان بشئ فإنه يقوم به بمحض إراضه وعزيمه وذللك يرضى ويشبع حاجته فى وقت معين لذلك لايحس بإحساس النشوه والمتولد عن ذلك الخطأ
المهاجر الحالم
تاكد ان الندم لا ياتى الا لو انت اخترت شىء بكامل ارادتك وتوسمت فيه النجاح ولم ينجح دائما الانسان يندم على قراراته الخاطئة عندما يفق من نشوة تحقيق ما اراده لكن تاتى الرياح احيانا بما لا تشتهى السفن
وتحياتى لك
Post a Comment