حلمت حلم غريب النهاردة او بالاحرى هو كابوس لانى كنت اتمنى ان اصحى من نومى
الحلم انى سافرت ومعايا اولادى التلاتة وبعدين لقيت نفسى فى مصحة او مستشفى
والناس هناك غريبة شوية فى اللغة والشكل وبنت صغيرة بس شكلها مريض ومرضها نفسى
عندها عدوانية شديدة ونا خايفة منها وباخد ولادى وبامشى بس ونا ماشية ملقيتش ابنى الصغير
اصغر اولادى واكتر واحد قلبى متعلق بيه لصغر سنه والغريب ان طفلتى كانت معايا ونا بادور على اخوها
ومحاولات يائسة انى الاقيه وشفت فى الحلم كانى رحت لقسم بوليس اللى فيه بيرتدوا عقال ونا باقولهم انى
مش لاقية ابنى وزعلانة وبابكى وهما ولا على بالهم ورجعت تانى للمصح اللى تاه منى فيه الولد ودورت عليه
من غير فايدة المشكلة اللى تعبانى بجد انى صحيت من النوم ونا لسه بادور عليه وبابكى واول حاجة عملتها
انى اطمنت على ولادى ومن غير ما اشعر لما صحيت لقيتنى حاطة ايدى على طفلى الصغير اللى ضاع منى فى الحلم
ربنا يستر... ربنا يجعل المخبى لطيف
5 comments:
سعات الانسان بيعلم بكابوس بس الكابوس ده بيكون حلو وتفئالى خير ان شاء الله مفيش حاجه
ياريت تقبلى مرورى الاول لمدونتك
تحياتى
ابويا لبتدا يظهر فى النوم الايام اللى فاتت كنت تعبان وبنام مهدود بس بقيت اشوفه من امبارح وهو واقف وهو قاعد وهو بيكلمنى وحاجات كده
احيانا حب الاخرين الزياده بيخليكى مرعوبه عليهم وعقلك الباطن بيجر عليكى الكوابيس والاحلام علشان فكرة الخوف جواكى موجوده كونى اكثر اريحيه حتى ترتاحى
الكابوس
سيدتى بؤلمنى حزنك ولكنى اذكرك بما دار بين رسول الله صلى الله علية وسلم واحد الصحابة
حين قال لة يارسول الله انى رأيت فى المنام ان طائرا عظيم القى حجرا عظيم على رأسى. فقال لة رسول الله أن الانسان اذا رأى خيرا فى منامة فمن الله وأن رأى شرا فمن الشيطان وأمرة ان لا يروى حلمة لاحد كى لا يتحقق مامرة بكثرة الاستغفار
اما نصيحتى لكى فأمسكى بزمامم حياتك الاسريةفأن بأنقطاع الحبل تتناثر اللألاء.
خيران شاء الله
ربنا يفرجك بيهو ويطمنك عليهم
ان شاء الله خير
بس ماتفكريش فيه كتير
Post a Comment